വികസിത രാജ്യങ്ങളിൽ തൊഴിൽ ലഭിക്കാൻ ഇനിയങ്ങോട്ട് ഇംഗ്ലീഷ് മാത്രം പഠിച്ചാൽ പോര.

വികസിത രാജ്യങ്ങളിൽ തൊഴിൽ ലഭിക്കാൻ ഇനിയങ്ങോട്ട് ഇംഗ്ലീഷ് മാത്രം പഠിച്ചാൽ പോര.  "അസാപ്" ബഹുഭാഷ പരിശീലന കേന്ദ്രത്തിന്റേയും കഴക്കൂട്ടം കമ്മ്യൂണിറ്റി സ്കിൽ ക്യാംപിന്റേയും ഉദ്ഘാടനം കാട്ടായിക്കോണം സെന്റ് തോമസ് കോളേജിൽ നിർവഹിച്ചു. 

വിദ്യാഭ്യാസം കഴിഞ്ഞാൽ രാജ്യത്തിനകത്തും പുറത്തും ജോലി സാധ്യതയുള്ളിടത്തെ ഭാഷ അറിഞ്ഞിരിക്കണം. അത്യാവശ്യം ഇംഗ്ളിഷിൽ ആശയവിനിമയം നടത്താനാകുമെങ്കിലും സംസാരവൈഭവം ഉണ്ടാകണമെന്നില്ല. അതു ജോലിതേടി അഭിമുഖങ്ങൾക്ക് പോകുമ്പോൾ തന്നെ തൊഴിലന്വേഷകർക്ക് പ്രയാസമുണ്ടാക്കുന്ന കാര്യമാണ്. ഇംഗ്ളിഷ് മാത്രം പഠിച്ചാൽ എല്ലാ വികസിത രാജ്യങ്ങളിലും ജോലിനേടാനാകണമെന്നില്ല. അതിന്റെ ഭാഗമായാണ് ഇപ്പോൾ ജാപ്പനീസ് ഉൾപ്പെടെയുള്ള ഭാഷകളുടെ പഠനം 'അസാപ്' വഴി ആരംഭിക്കുന്നത്. മറ്റു ജോലി സാധ്യതയുള്ള രാജ്യങ്ങൾ തിരിച്ചറിഞ്ഞ് ഭാഷാപഠന സൗകര്യം ഏർപ്പെടുത്താനുള്ള തുടർപ്രവർത്തനങ്ങൾ 'അസാപ്' നടത്തണം. 

നിലവിൽ ഒൻപതു സ്‌കിൽ പാർക്കുകൾ പൂർത്തിയായിട്ടുണ്ട്. കിൻഫ്രയിലും വിഴിഞ്ഞത്തുമുൾപ്പെടെ ഏഴെണ്ണം കൂടി പൂർത്തിയാകാനുണ്ട്. കഴക്കൂട്ടം കിൻഫ്ര ഫിലിം ആൻറ് വീഡിലോ പാർക്കിലെ 1.50 ഏക്കർ സ്ഥലത്ത് നിർമിക്കുന്ന കമ്യൂണിറ്റി സ്‌കിൽ പാർക്ക് എട്ടുമാസത്തിനകം പൂർത്തിയാകും. നിർമാണം പുരോഗമിക്കുന്നതിനൊപ്പം തന്നെ കോഴ്സുകൾ താത്കാലിക കേന്ദ്രത്തിൽ തുടങ്ങുന്നതിന്റെ ഭാഗമായാണ് കാട്ടായിക്കോണം സെൻറ് തോമസ് കോളേജിൽ ട്രാൻസിറ്റ് ക്യാമ്പസ് ആരംഭിക്കുന്നത്.

വിദേശരാജ്യങ്ങളിൽ ലഭ്യമാകുന്ന ഉന്നത തൊഴിൽ അവസരങ്ങൾ പ്രയോജനപ്പെടുത്തുന്നതിനാണ് വിദേശ എംബസികളുമായി സഹകരിച്ച് ബഹുഭാഷാ പരിശീലന കേന്ദ്രം ആരംഭിക്കുന്നത്. ലിംഗ്വിസ്റ്റിക് സെൻററിലൂടെ ഫ്രഞ്ച്, ജർമൻ, സ്പാനിഷ് തുടങ്ങിയ യൂറോപ്യൻ ഭാഷകളും ഇംഗ്ളീഷ്, അറബിക്, ചൈനീസ്, ജാപ്പനീസ് തുടങ്ങിയ ഭാഷകളിലും പരിശീലനം നൽകും. കഴക്കൂട്ടം ട്രാൻസിറ്റ് ക്യാമ്പസിൽ പ്രവർത്തനക്ഷമമാകുന്ന സെൻററിൽ തുടക്കത്തിൽ ജപ്പാൻ മിനിസ്ട്രി ഓഫ് എക്കോണമി ട്രേഡ് ആൻറ് ഇൻഡസ്ട്രിയുടെ കീഴിലുള്ള എ.ഒ.ടി.എസുമായി ചേർന്ന് ജാപ്പനീസ് ക്ലാസിലേക്കുള്ള അഡ്മിഷൻ ആരംഭിച്ചിട്ടുണ്ട്.